Geburtstag - Firmabesäufnis
Hochziet oder Scheidig
Ob SUMMER oder WINTER - miar sin füar eu do...
Du wetscht amol an schöna Event met dr Augusta ha?
Denn lüt üs doch einfach a...
d'Augusta Flotta,
alles ka ma miata!
Augusta - Carlotta
Üser mobil Pferdeanhänger - ideal füar diverse Events wia Firmaapéros, Fierobet-Bier, Geburstagsfiera, Hochzieta oder Scheidiga;-) etc.
Im Summer & im Winter!!!
Ofach afroga uf: [email protected]
Augusta Ford-TT 1927
Di onzig Wohr 'Augusta' - met ära hät alls agfanga. Sie kunnt zu dim Event und präsentiert sich vo iara beschta Sita.
Egal wo und zu was - sie kunnt zu euch!
Racletta - VW T2
Oh üserer 'neu/alt' Racletta ischt z'buacha. Sie zauberet euch brutal feine Raclette. Regionala wüarziga Käs uf knuschprig toschtetem Chiabatta, divärse Toppings füar druf/drzua zur Uswahl und zletscht no üsers huusgmachte Raclettegwüarz. Mhhh, an Gaumaschmaus...
D'Augusta bliebt...
D’Augusta bliebt…
Nochem grossa Verluscht vo üserem einzigartiga Leander hommer entscheda, as sis Härzens- und Läbensprojäkt, sine Fiarma d’Augusta, witerhin besto söll. Alls was dr Latte di letschta Johr met viel Lidaschaft und Müa ufbaut hät, ka und därf ned ofach numma si! Miar wessend wia är ksi ischt, was är wia wella hät und aso probiaremer oh witerzmacha – met Härz und Lidaschaft i sim Sinn.
Drum wören miar d’Augusta amol vorerscht abez imna klinera Rahma met Familiaunterstützig witerfüara. Vorussechtlich wüard im Hiarbscht 24 der Maroni-Standort Bendra witergfüart. Zuasätzlich isch d’Augusta met dr Carlotta und dr Racletta weder im Summer und im Winter füar Caterings zum ha. Öber d’Grösse und d’Möglichkeita vo da jewiliga Caterings mond miar vornazua zemma met euch natürlich entscheida. Miar tond also was mer kond – füar euch, füar d’Augusta und oh füara Latte.
Miar freuend üs uf euere Afroga uf [email protected] und viel witere schöne, gsellige und ossergwöhnliche Stund met euch und met viel Augusta-Leander-Charakter.
Familia Kieber und Marxer
Das Schönste das ein Mensch hinterlassen kann ist ein Lächeln im Gesicht derjenigen, die an ihn denken.
